MAR VOLCANO HRINGUR GULL

MAR Volcano hringurinn sækir innblástur í eldvirkni íslenskrar náttúru og þann ótrúlega kraft sem myndast þegar bráðið hraun brýst upp úr iðrum jarðar. Hönnunin einkennist af óreglulegum línum, mjúkum sveigjum og áberandi formum sem rísa upp frá hringnum og minna á hraun sem skýst upp á yfirborðið í eldgosi.

MAR Volcano er hluti af MAR línunni og heldur í sömu einkennandi hraunáferð og hefur gert línuna svo vinsæla frá upphafi. Það sem gerir Volcano sérstakan eru upphækkuðu formin sem gefa hringnum einstakan strúktúr og endurspegla hreyfingu og kraft bráðins hrauns.

Hringurinn er úr ryðfríu stáli með hágæða 18K gullhúðun og sameinar hrátt yfirbragð og fágaða hönnun. Hann er áberandi einn og sér en einnig fallegur þegar hann er paraður með öðrum skartgripum úr MAR línunni.

Við bjóðum upp á fjölbreyttar leiðir fyrir viðskiptavini okkar til að fá vörur sínar hratt og örugglega. Allir pakkarnir okkar eru sendir með Dropp sendingarþjónustu og einnig er hægt að sækja í verslun okkar í Ármúla 15.